蘿蔔燜牛尾 (附食譜)

鹿一向愛吃牛尾, 外出吃飯, 也喜愛點燴牛尾菜式, 試試人家的烹調味道.

愛吃中菜的大背心, 卻善於用紅酒, 以西式方法來煮牛尾. 近來愛在網上找食譜, 愛吃西餐的鹿, 今次試用中式方法, 以蘿蔔來燜牛尾.

時常覺得煮中菜很複難, 同時又糖又鹽又要荳粉收獻汁, 頭都大埋. 今次這道菜, 材料易買, 洗滌方便, 步驟簡單, 難度屬於低.

主要材料只有牛尾, 白蘿蔔及洋蔥. 牛尾沒有選街市新鮮的, 因來貨不穩定, 而且價錢很貴, 最後在惠x超市買到從巴西進口的(600g, $52). 不要以為這道菜味道清淡, 因用may姐(雞湯)與洋蔥燜了三個半小時, 味濃但不油膩, 材料費都只是$60左右, 有肉有菜, 經濟實惠. 

食譜都是在daydaycook.com找到, 那裡圖文並茂(推介~很好的煮食網), 鹿都是跟著食譜step by step而 成功. 老爺嗜鹹, 滲滿牛骨與may姐的白蘿蔔, 最得他歡心.

 

鹿喜愛湯頭清甜, 因有洋蔥在內. 大背心喜歡軟腍的牛尾, 輕輕一咬已骨肉分離, 還一邊吃一邊問何時再煮給他吃, 鹿答: 無下次喇…哈哈!

以下是四人份:

牛尾 600g

白蘿蔔 400g

洋蔥 1個

蔥 30g

薑50g

雞湯 1L

水1L

煮法

洋蔥連皮對半切出, 備用

(湯汁) 將1L雞湯及水, 蔥,薑和洋蔥(連皮)放在鍋中煮沸, 煮至大滾轉中火煮多10分鐘.

白蘿蔔洗淨去皮, 切出中等大小後備用

牛尾先在鍋中灼5分鐘, 瀝乾後再放入滾水內涮2分鐘, 接著放入湯汁鍋內煮.

 

再用中火燜煮45分鐘, 接著加入白蘿蔔, 轉小火燉1小時(鹿燉了2小時).

 

 

最後加入少量鹽調味.

個人意見:

雞湯可選750ml的, 煮出來相對無咁鹹(濃味).

洋蔥已融入湯中消失了, 建議可在中後段再放一些, 保留洋蔥絲的口感.  

秘技:

想燜食物快腍, 可放一小粒冰糖到鍋內一齊燜.

牛尾想燜得腍身又唔黏骨, 至少要花兩小時或以上, 再視乎實際情況.