咖哩魚旦豬皮蘿蔔

聖誕節, 大背心家人又有party, 慣例每個家庭單位都要預備一款食品出席, 而鹿與大背心這二人組, 選了咖哩魚旦這小食, 簡便易煮 . 

 

至於好多人”喜歡”整既菠蘿腸仔, 就由小朋友包辦, 但事前工序, 就係我呢位家嫂預備埋!鹿是完美主義者, 除了食物賣相要靚, 味道更要好.

 

為了不令大背心在家人面前失威, 鹿特意買了利川牌既椰子咖哩汁@鐵罐裝來煮, 因為味道香濃而帶點微辣, 正!

想買它也不容易, 因為很多街市或惠x都只入玻璃瓶裝, 但玻璃瓶裝味道較淡, 最終鹿要屈服係大霸權下, 在x佳買了兩罐 ($10.5/罐)

 

• 魚旦是炸蛋, 沖水後備用.
• 豬皮洗淨, 與白蘿蔔用滾水略灼備用.  
• 另一邊廂已將一罐咖哩汁在煲加熱好, 放入炸蛋, 煮20-25分鐘.
• 待炸蛋吸收了咖哩精華, 再放入豬皮與白蘿蔔.
• 因豬皮與白蘿蔔有水份, 會將咖哩沖淡, 所以要加入第兩罐咖哩汁再煮.
• **間中要翻動煲內煮物, 防止黏底.

最終, 最快清貨的食品, 竟是鹿的魚旦煲, 哈哈!!

靚太年尾收爐前的最後一擊 ~ 惹味咖哩魚旦波波.