Jamieson蘆薈啫喱

Jamieson Aloe Vera Smoothing Moisturizing Gel (Made in Canada)

前天某人獨個兒與老婆仔(唔係鹿,而是銀色四轆)去海灘曬太陽.  放工回家時, 竟看到一隻燒豬坐在梳化上睇電視...唉, 又燒焦了!

現在太陽中的紫外光好強, 容易曬黑更易傷皮膚. 親愛的只會在曬前搽太陽油做日光保護, 卻忽略曬後的皮膚護理.  

除了皮膚會變紅發滾, 冷卻後退皮的情況更嚇人, 又乾又痕, 有人說半夜更會痕醒, 自找的, 哈哈! 所以家中必有支蘆薈gel看門口.  

鹿愛用Jamieson, 以往鹿媽在美容院買的, 因今次要急急買來給親愛的惡補, 便在萬寧購買, $68.00已有240ml, 經濟實惠.  

不要被樽身顏色誤導, gel其實是半透明的, 不帶香味, 99.5%蘆薈, 成份天然! 

蘆薈含高度保濕成份, 既可補充皮膚水份, 亦可撫平皮膚乾紋, 有時弄損手腳, 都會塗點在患處, 令傷口埋得靚d.   

到了冬天或特別乾燥既日子, 鹿也愛塗一層薄薄的, 做面部保濕打底之用, 待吸收後再塗上晚霜, 睡醒後皮膚滑滑, 很好用的. 這牌子值得推介! 

購買前曾在blog做過資料搜集, 之前也試過BananaBoat, 效用不大, Ranson(Opitmah)既AloePura很多人都選用, 因為成份是100%蘆薈, 但價錢較貴, Apita賣 $198.00(200ml).

要知道某人怕搽膏狀物體, 鹿當然"強迫"替他搽, 結果呢...皮膚cool down快左, 乾紋沒有出現過, 只是到第四至五天, 才出現少許退皮, 某人還說今次無痕過呢!!