毛巾被

每人睡眠習慣不同, 新婚時倆夫妻要習慣同床共寢, 實是一件不容易之事. 

時常想, 如果可以像日本人那樣, 倆夫妻各睡一張單人床, 但兩床相靠, 又有各自的被鋪, 什麼睡姿也不會打擾對方, 會是多麼美好呢! 

鹿仍處於適應期, 以下事件, 相信很多人也經歷過, 又是攪笑經典小分享:

1. 出現搶/捲走被 ~ 睡醒時自己張被唔係身上, 唔見左!
2. ”富”被 ~ 枕邊人突破唔想蓋被, 堆晒係對方身上, 第二朝就話人家搶佢被. 
3. 爭位與鬆踭事件 ~ 偶爾會不知不覺地發生, 早上醒來便互相追究, 但大家都話自己無做過! 
4. 枕邊人熟睡後變了獅子, 不停在你耳邊咆哮(酷刑)!
5. 睡覺時, 被窩傳出"呠呠"怪聲, 或沙林毒氣襲擊, 硬食無得避!

為了消除障礙1)至3)項, 鹿的對策是各人一張被, 便可減少問題發生, 但不等於不會冇事發生, 還出現了"搶毛巾被事件".

告別校園時

望穿秋水, 今天, 終於收到正式通知, 可以大聲地叫 ~ "我畢業喇, 扔晒d notes佢", yeah!!

大信封內, 是辛苦了兩年多的證明, 經歷了無數測驗考試趕project的亡命生涯, 放工倦爆都要爬返學, 上堂聽書聽到瞓著, 放假都不能抖要趕功課的日子, 呢一刻, it’s time to say goodbye.

學校是社會的縮影, 課程近尾聲時, 更看得盡人生百態.  為搵餐飯食與教學充滿熱誠的老師, 上三次課堂便一目了然.  滿肚墨水或靠吹水講學的, 看學生出席率便會知. 

有扮豬食老虎的同學, 其實是卧虎藏龍. 表面笑騎騎, 原來是面皮十呎厚既自私鬼, 正一煲雞鹹蝦燦. 滿以為自己見識廣博, 一開口就知道是豬頭丙的大有人在.