牧羊少年.咖啡.茶.酒館

近日工事繁忙, 面對的事更令鹿時常氣結, 午餐時間都想往外抖一下, 不吃外賣.

鹿一向不愛在蜂擁的午餐時段開飯, 不想迫, 便在二時左右出動, 目的只想給腦袋及情緒靜吓.

想起老友G說過葵青劇院有新店開張, 但食物味道麻麻, 相對旺角分店較好.

 
聽罷鹿本著愛試新事物的信念, 加上吃厭其他食店, 看在露天茶座也吸引, 便一試它的食物有幾麻麻.

第一次光顧, 因氣溫較清涼, 便到室內用餐. 室內環境不錯, 裝修與氣氛令人感覺relax. 看到這格局,
加上有幾位少女走堂(鹿不是偷聽, 是她們大聲在手提說), 三五知己來閒聊兼喫茶吃cake(蛋糕小食很不錯), 已知主打食物是那樣了.

 

 

點餐先要到櫃檯買票, 之後拿著國旗回位, 食物便隨後送上.

香蒜蜆肉意粉($44) – 賣相吸引, 意粉軟硬度適中, 可惜蜆肉白灼味道不鮮, 靠香蒜洋蔥提升味道.

 

原本心情麻麻, 但看到這杯很美的拉花咖啡(餐upgrade+$13), 舒暢晒!

鹿再比多次機會, 一星期後再來光顧, 今次坐到室外去.

 

 

 點貴一點的龍俐柳西班牙飯($58) 龍俐柳過熟, 但已用蛋染好再炸, 有蛋香, 不過味道仍是一般.

 
隨餐點了玫瑰花蜜糖綠茶, 形象優雅, 但綠茶帶點苦澀, 扣晒分.

 
最後, 鹿都覺得味道真的很麻麻, 再光顧嗎? 暫時仍未有這衝動.