情人及元宵節蛋糕

今年情人節, 剛好也是元宵佳節(中國情人節). 難得一遇, 鹿早已構思好要做一個心形蛋糕. 某人估到鹿又出外攪攪陣, 但鹿只告知某人在那兒等著吃晚餐.

繼早前的New York Cheese Cake, 今次試做一款鹿很喜歡的蛋糕 – 日式低脂芒果豆腐凍餅.
曾在長洲餅店買過, 一試難忘. 可惜再回去, 餅店執笠了. 為了尋回味那種味道, 鹿慶幸在情人節找到整餅師傅教授, so luck.

每次學整餅, 都能學到很多不同技巧. 這位師傅好funny, 更額外教授了如何唧忌廉玫瑰花, 但要唧得靚, 必要工多藝熟. 今次整個學習過程既輕鬆又開心, 最後師傅給我餅的comment係”有要求”.

每次整餅, 鹿都會向難度挑戰, 這個要比上一個特別. 但偏偏弄出來, 總覺得不夠好未夠完美. 今次親愛的收到這甜餅後, 已開心到暈, 但他看穿鹿的表情, 知道處女座的通病又發作, 便說: “係咪未做到心目中果款? 呢個已經好靚架喇”來安慰鹿.

鹿放了情人節蛋糕的相片在面書, 旋即得到各方友好的like, 更有朋友說某人一定冧爆, 當某人見到這個post時, 已笑得合唔埋口. 更有趣, 是有朋友叫鹿介紹來整百日宴蛋糕...見朋友每次對鹿post既野太有興趣, 睇怕可以做埋代言人收下commission了, 呵呵呵!

鹿很幸福, 可以搵到隻長期做我白老鼠既人. 禮物無買了, 心意就是這hand-made cake, hehe!