毛巾被

每人睡眠習慣不同, 新婚時倆夫妻要習慣同床共寢, 實是一件不容易之事. 

時常想, 如果可以像日本人那樣, 倆夫妻各睡一張單人床, 但兩床相靠, 又有各自的被鋪, 什麼睡姿也不會打擾對方, 會是多麼美好呢! 

鹿仍處於適應期, 以下事件, 相信很多人也經歷過, 又是攪笑經典小分享:

1. 出現搶/捲走被 ~ 睡醒時自己張被唔係身上, 唔見左!
2. ”富”被 ~ 枕邊人突破唔想蓋被, 堆晒係對方身上, 第二朝就話人家搶佢被. 
3. 爭位與鬆踭事件 ~ 偶爾會不知不覺地發生, 早上醒來便互相追究, 但大家都話自己無做過! 
4. 枕邊人熟睡後變了獅子, 不停在你耳邊咆哮(酷刑)!
5. 睡覺時, 被窩傳出"呠呠"怪聲, 或沙林毒氣襲擊, 硬食無得避!

為了消除障礙1)至3)項, 鹿的對策是各人一張被, 便可減少問題發生, 但不等於不會冇事發生, 還出現了"搶毛巾被事件".

鹿從小己習慣夏天只用毛巾被蓋著肚子睡, 喜歡那軟綿綿, 通爽舒適感. 而某人總愛捲著冷氣被睡, 就算熱到出汗都捲著, 唉!  

嘗試讓他去接受毛巾被, 但表現抗拒, 算吧, 習慣改不了.  怎料1)事件在幾天前發生在鹿身上, 瞓醒時張被唔見左?? 

賊仔係邊個? 見到這場面, 真是好嬲又好笑. 某人竟抱著鹿的毛巾被, 甜笑地睡著(又話唔鍾意, 搶野呀!!), 而他的寶貝, 已被他墊在腳下, 哈哈! 問他幾時搶走, 某人說”唔知呀”, 激死我!

現在很難買到毛巾被, 尋遍先施, 永安, Apita & Jusco, 不是無便要售$2xx - $4xx. 已預備了淘寶戶口準備購買, 價錢平但怕質地差.  

突然想起鹿爸當年在上海街入貨, 幸好走一趟, 現只花了$168, 便買到優質料, 顏色啱, 又合心意的被子.  

更好的, 是那店子能提供多價錢多款式選擇, sales又細心介紹, 又可有提供手感測試. 想買毛巾被, 要去這兒走一趟呀!